SHILLONG: Ka seng Hynñiewtrep Youths’ Council (HYC), mynta ka sngi ka la pynlait paidbah iaka jingrwai ‘Bei Rymaw’, ka ba khot iaki paidbah ban iada iaka Mei Mariang.
Ia kane ka jingrwai la thoh ka nongthoh jingrwai ba paw ka bri Hynniewtrep, ka Kong Amabel Susngi, da kaba iarwai lang bad ka Kong Bahun Marweiñ. Ka jingrwai bad ka music video ka pyni bad ka kren ruh ia ka jingitynnad ki ranab lum bad ki them ka ri Khasi, kiba ym ju iohi koit ha kiwei pat ki jaka ka pyrthei.
U President ka HYC, Bah Roy Kupar Synrem u la ong ba ka seng ka sngewkhia jur ban kren ia kane ka mat bad ym lah ban peit sha kiar, hynrei ka sngew ba ka don ka jingkhot ban iawer ia baroh ban leh eiei ban iada iaka mei mariang. Kane ka jingrwai ka khot iaki para doh para snam ban pynkut noh ia ka jingleh thurmur iaka mariang.
Ka jingpynlait paidbah ia kane ka jingrwai, ka dei kum shi bynta ban rakhe iaka jingdap 10 snem jong ka HYC ka ban long haka 17 tarik u Naitung, ka ba dei ruh ka sngi ba la seng iaka.
Da ka jingrwai iada mariang, pyllait ka HYC ban rakhe dap 10 snem
