SHILLONG: U Dr. Ricky AJ Syngkon ka seng Voice of the People Party (VPP) u la jop suk ha kane ka elekshon MP sha ka Lok Sabha na Shillong Constituency.
U Dr. Ricky ula pylliem ia u bah Vincent H Pala ka Congress da 371910 lak vote. U Dr. Ricky u la ioh 571910 vote katba u bah Pala u ioh 199168 vote.
Ka kong Ampareen Lyngdoh ka NPP ka ioh 186488 vote, bud sa u bah Robertjune Kharjahrin ka UDP uba la ioh 44563 vote. Kiba iakhun kum ki kyrtong shimet, u Prof. Lakhon Kma u la ioh 18582 katba u bah Peter Shallam u la ioh 7024 vote.
Haba kren hadien ba la dep shim ia ka syrnod, u Dr. Ricky u la ong ba kumba la buh thong ban pynkylla bad pynbha biang ia ka jylla, un buddien ia kata. U la ong ba un buddien ia ki mat ki jura ba ka party ka la buh hakhmat ki paidbah.
Pylliem suk u Prah ia ki kyrtong ka NPP, UDP bad Congress
