SHILLONG: Ka khubor kaba pynshaiong ngain ia kiwei ki seng sain pyrthei, ka long ba katkum ka khubor, la jan ki konstitwensi, u Prah ka Voice of the People Party (VPP) u la sar naphang ban knieh nam tam ia baroh ki seng sain pyrthei.
Haduh ba iaid ka jingniew vote haduh mynta, ha ki konstitwensi ha East Khasi Hills, naduh ka Mylliem konstitwensi la sar naphang u Prah, ha Pynursla, South Shillong, ha North Shillong, Mawryngkneng, Mawlai, Mawkynrew, Mawphlang, Mawsynram, Nongkrem, Sohiong, Pynthor, ha East Shillong, Nongthymmai la peh naphang u Prah.
Kaba kham sngew phylla ka long wat ha ki konstitwensi ba don ki MLA ka NPP ruh, la knieh u Prah haduh ba iaid ka jingniew mynta haduh 12 baje mynsngi, ha kaba ka jingniew vote ka la poi sha ka 6 lak eiei na ka 9 lak vote tam.
Kumjuh ka jingkhlain u Prah ka paw ruh ha Jaintia Hills ha kaba u la knieh ha man ki konstitwensi, naduh ka Khliehriat, Raliang, Jowai, Nartiang, Amlarem, Mookaiaw, Sutnga-Saipung.
Kumjuh ha West Khasi Hills kynthup ha Mawkyrwat, Ranikor, Mairang, Mawthadraishan, Nongstoin, Rambrai bad kumjuh Mawshynrut.
Ha Bhoi ruh, la knieh nam tam u Prah ha Umroi, Umsning, Mawhati, lait noh ha Nongpoh ba tam ka Congress bad ha Jirang ba shah tam khyndiat ha ka NPP.
Peh u Prah jan baroh ki konstitwensi ka Khasi-Jaintia Hills
