SHILLONG: U MP Lok Sabha ba la shah jied thymmai na Tura, u Saleng Sangma u la pynpaw ba um shym la khmih lynti ban jop kput ha kane ka election MP, da kaba pynpaw ruh ka jingsngewnguh sha u Blei.
U Saleng uba dei ruh u MLA ka seng Congress u la jop ha jan baroh 24 tylli ki LA na Tura, u la ong ba un pyrshang ban trei katba lah ban pynurlong ia ka jingangnud ki paidbah.
Ia ka seat Lok Sabha na Tura la bat na ka ïing jong u PA Sangma mynta la kumba 47 snem, bad na ka liang u Saleng u la ong ba lehse ki paidbah ki la kwah ia ka jingkylla.
U Saleng u la jop ia ka election MP da kaba ioh khur 3,83,919 vote bad tam ia ka kyrtong ka NPP da 1,55,241 vote kaba la ioh 2,28,678 vote.
Khlem mut dur ban jop kput, dei ki paidbah ba kwah ka jingkylla: Saleng
