SHILLONG:U Superintendent of Police ka West Khasi Hills District, u Bikram D Marak u la kyntu ïa ki nongtrei sorkar kiba sah hajan ka ophis DC bad ophis SP ba kin ym rah kali sha jingtrei lashai ka sngi niew vote na ka bynta ka election MP, hynrei kin ïaid noh da ka kjat sha jingtrei ban pynduna ïa ka jingdheng kali.
Shuh shuh u SP ha ka kyrwoh khubor u la ong ruh “Ïa ngin ïa ïaid da ka kjat sha jaka trei (Walk to Work) lashai ka sngi ka 4 tarik ban pynsah jingkynmaw da kaba kiar ruh ïa ka jingpynkhapngiah kali ha ki jaka kiba hapoh ka 100 miter na ka jaka niew vote.
Ym tanga kata u SP u la kyntu ruh ïa kiwei de ki nongtrei sorkar kiba sah marjan bad ki ophis treikam ki jong ki ba kin leh kumjuh ban ym sei kali hynrei ban ïaid noh da ka kjat bad u la ong ba ma u ha ryngkat u DC ruh kim ïa mih ban leit ophis da ka kjat lashai ka sngi.