SHILLONG: U Myntri Rangbahduh ka ri u Narendra Modi u la pynbna ban ai jingiarap mar T. 2lak sha kiba haiing jong kito kiba khlad ha ka jinglynshop ka bor mariang ha jylla Meghalaya, kumjuh ha Assam, Manipur, Mizoram, Tripura bad ha West Bengal.
Ha ka X, u Modi u la thoh ba ka jingiarap kaba mar T. 2 lak na ka Prime Minister National Relief Fund yn iarap sha kiba khlad na ka eriong remal bad mar T.50 hajar sha kiba mynsaw.
Lah ban kdew ba ha Meghalaya, san ngut ki briew kila khlad na ka jingsyllad ka eriong remal, kynthup uwei ha East Jaintia Hills bad saw ngut ha East Khasi Hills.
Mar T. 2 lak pynbna u Modi ban iarap ia kiba khlad na ka bor mariang
