SHILLONG: U Commissioner & Secretary ka tnat Pule Puthi u Syed Md. A. Razi u la ong ba naduh u snem ban wan baroh ki college jong ka sorkar kin hap ban pynïasoh noh bad ka Capt.Williamson Sangma University kaba dei ka skulbah jong ka jylla, shisien ba ïa kane ka skulbah la lah ban pyntreikam pura.
Haba kren sha ki lad pathai khubor u la ong ba ka jingpynïasoh ïa ki college sorkar kan sdang noh mynta u snem shisien ba ka University Grant Commission (UGC) ka la ai ka jingiathuh ïa ka State University.
U la ïaroh ruh ïa ka jinglah jong u Myntri Rangbah ban pynkohnguh ïa ka UGC ban pynlait ïa ka jylla na ka jingpyntreikam ïa ka Common University Entrance Test (CUET) mynta kane ka snem pule 2024-25.
Ha kajuh ka por, u la ong ba ki samla pule kiba kwah ban ialeh ban ioh rung klas ha ki skulbah shabar ka jylla, kin hap ialeh ia ka CUET namar ba la pyllait tang ha jylla Meghalaya.
U Razi u la ong ba ka jingmih ka kynrum kynram dang shen ia ki samla ba ialeh ia ka CUET, ka dei namar ba ka NTA ka jied ia ki jaka ialeh la kajong khlem sngap ia ka jingai jingmut ka sorkar jylla.
Ka CUET kan iai don ia kiba kwah rung klas ha ki skulbah ka sorkar pdeng ne shabar
