SHILLONG: Ka seng Voice of the People Party – VPP kam lah shuh ban ap halor ka jingeh jong ki samla pule kiba kynduh jingeh na ka jingiaid ka jingpiang klas khamtam kito kiba duh ban ialeh ia ka eksamin Common Entrance University Test (CUET).
Haba kren halor kane mynta ka sngi, u Dr. Rusievan Shangpliang uba dei u dkhot ka Media Cell ka VPP, u la ong ba la pynsngew ia ka jingeh ki sama pule ha u myntri ha kaba ka jingpdiang klas ka la iaid mynta hynrei kito ki samla kiba khlem ioh ban ialeh ia ka CUET ka la buh jingeh ia ki.
Na ka liang ka party, ka la kren shai ha u myntri ba ka sorkar ka dei ban ai ka jingbthah sha baroh ki jaka pule ha ka jylla ba kin pdiang klas da kaba shim ia ki mark ba ki samla pule ki ioh ha klas XII khnang ba kito kiba ialeh bad ki bym ioh ban ialeh ia ka CIUET ruh kin ioh pdiang klas.
Pdiang klas da ki mark ba pass ha klas XII, ong ka VPP ia ka sorkar ym da ka CUET
