SHILLONG: Ka jingther ka eriong remal ryngkat u slap, ka la wanrah ka apot ia ki nongrep bad kane ka la jia ha shnong Nongjri Wahskong, kaba hap ha Pynursla constituency.
Da ki spah tylli ki dieng jait kiba la soh rynjew mynta kila liem lyndang lut ba shah khyrwait ha ka eriong ha ka miet 28 tarik Jymmang 2024.
ki nongshong shnong kila phah ia ki video bad ki dur ba kila ioh ban shon ia kine ki dieng kait kiba la soh bad kiba dang lung, kiba la thiah rynjain sha madan.
Ka shnong Nongjri Wahskong ka dei kawei kaba jur bha ban pynmih kait kiba bun jait bad kaba dang hap iaid kjat da ki kynta ban poi sha surok, bad kane ka jingshah pynjulor ha ka mariang, ka la pyndiaw pdik dik dik ia ki nongrep, kiba la ap khmih lynti ban ioh kheit noh.
Khyrwit ka Remal, liem naphang ki dieng kait ha Nongjri, diaw pdik ki nongrep
