SHILLONG: Ka ophis jonka Directorate of Sports & Youth Affairs ka la lah ha kaban pynhap noh ia ka lama ka lympung ialehkai State Level Inter School Athletic Meet 2024, ha SAI, STC, NEHU, ha kaba kongsan ba la don lkang ha kane ka sgi ba kut dei kong Matsiewdor War Nongbri (IAS) ba dei ka Secretary Revenue and Disaster Department,
Nalor katt6a la wan ban sakhi lang ia kane ka sngi ba kut da u John F. Kharshiing, Working President, Meghalaya State Olympics Association (MSOA), Col Omkar Singh, Registrar, NEHU, K. Passah, Assistant Director, Department of Sports & Youth Affairs, Meghalaya, Smti Darlene Khonglam, Sports Officer, Finely Pariat, Secretary, Meghalaya Athletics Association, and Australian Olympian, Ian Campbell. District Sports Officers (DSO’s), and Technical Officials of the Athletic Federation of India (AFI)
Ha kane ka jingiakhun kaba lai sngi, ka district kab ala ioh ba kan rah ia ka nam lahduh ne overall champion dei ka kynhun ialehkai jong ka East Khasi Hills District hadien ba ka la ioh ba kan khur 12 tylli ki takma ksiar, 6 tylli ki takma rupa bad 3 tylli ki takma rnong, bad baroh ki long 21 tylli.
Nalor katta la sam ruh ka khusnam Lahduh ki shynrang ne Champion Team Boys kaba ha kaneka kynti la rah ia ka da ki rang ialehkai jong ka East Jaintia Hills hadien ba ki la iuoh ba kin khur 7 tylli ki takma ksiar 1 takma rupa bad 7 tylli ki takma rnong bad baroh ki long 15 tylli, ka district ba wan ba-ar pat dei ka West Jaintia Hills 4 tylli ki takma ksiar 8 tylli ki takma rupa bad 2 tylli ki takma rnong bad baroh ki long 14 tylli.
Haba phai sha ka liang ki kynthei ka district kaba la rah ia ka nam lahduh ne Champion Team Girls dei ka East Khasi Hills bala ioh ban khur 8 tylli ki takma ksiar 4 ki takma rupa 2 ki takma rnong bad baroh ki long 14 tylli.
Ka district ba wan ba-ar ne runners Up dei ka West Jaintia Hills kaba la ioh ba kan khur 5 tylli ki takma ksiar, 4 ki takma rupa bad tylli ki takma rnong bad baroh ki long 5 14 tylli.