SHILLONG: Hadien ba la lap ia ka shynrong khlieh briew kaba per ha nala ha lynti ha Oakland Biver Road, Shillong ha ka 22 tarik mynta u bnai, bad ha ka 23 tarik pat, ki pulit kila lap sa ia ka shynrong kjat jong u briew na nala ha katei ka jaka.
Ha ka kyrwoh u Superintendent of Police ka East Khasi Hills, u Rituraj Ravi, u la ong ba ki pulit kila pyllong ia ka jingwad ha katei ka jaka hadien ba la lap ia ka shynrong khlieh briew, kila lap sa ia ka bynta jong ka shynrong met mynta ka 24 tarik.
U SP u la ong ba la suba jur ba lah ban dei ka met u shynrang briew katkum ba la ioh ia ka sopti ba la lap na ka met, bad la phah sha NEIGRIHMS ban eksamin bad ka jingtohkit ka dang iaid.
Lah ban kdew ba iohi nyngkong ki briew kiba iaid lynti ia ka shynrong khlieh briew kaba la shah rah ha ka um hadien ba la ther u slap, bad poi sha katei ka nala. Ym tip naei kane ka shynrong ka um ka la ioh ban rah sha katei nala bad katno ka la slem, hynrei kumba la paw, ka la dei kaba la slem namar ba ka la sah beit tang ka shynrong beit khlem don eiei shuh.
Hadien ka shynrong khlieh, lap sa ka shynrong met
