SHILLONG: U nongialam ka synjuk Ki Khlieh Nongsynshar ki Hima ne ka Grand Council of Chiefs of Meghalaya, u bah John F Kharshïing u la ong ba ka Jaintia Hills Autonomous District Council (JHADC) ka dei kaba don bok tam napdeng ki District Council ha ka jylla namar ba ka don 7 ngut ki MLA katba ki MDC ki don haduh 29 ngut.
Haba ai jingkren halor ka phang, Ki Hima Khasi bad ka Instrument of Accession (IOA) kaba la pyllong ka St. Edmund College, Shillong mynta ka sngi, u bah John u la ong ba ula ai jingthoh mynshwa ha ka por ba long Myntri Rangbah u Dr. Mukul M Sangma ba lada iaid katkum ka jingdon ki nongshong shnong kumba long jong ka Jaintia Hills Autonomous District Council, hangne ha jylla Meghalaya dei ban don 125 ngut ki MDC.
U Bah John u la ong ba ka KHADC ka don 29 ngut ki MDC na ki 29 tylli ki konstitwensi MDC, ka Garo Hills Autonomous District Council ka don 29 ngut ki MDC na ki 24 tylli ki MLA konstitwensi katba ka Jaintia Hills Autonomous District Council ka don 29 ngut ki MDC katba don tang 7 tylli ki MLA konstitwensi.
Lada iaid katkum ka JHADC, dei ban don 125 ngut ki MDC: John
