SHILLONG: U myntri rangbah ka jylla u Conrad K Sangma ula jurip ia ka jaka ka PWD jong ka sorkar ha Barik.
Ia kane ka jaka yn pynbha briew kum ka jaka shongkai pynngad ki paidbah nalor ki jaka ieng kali.
U myntri rangbah ula ong ba ha kane ka jaka, yn pynieng ia ka lama lai rong ka ri, ban ieng kum ka nongmuna, ka museum ban pyni ia ka lariti. Kane ka projek ka long shi bynta ban pynbha briew ia ka nongbah Shillong.
Ka sorkar jylla kan shna pynbha noh ia ka Phan Nonglait Park sha jaka ieng kali, shong kai pynngad shen.
Ia ki mrad kiba don ha kane ka park, yn rah lut sha ka zoo sha Umtrew, Ri Bhoi District.
U Myntri Rangbah ka jylla u la ong ba katto katne ka bynta jong ka park, yn pyniar ia ka jingtei ka Shillong Civil Hospital katba kiwei kiwei bynta yn pynwandur na ka bynta ka jingmyntoi jong ki paidbah.
Sa tang khyndiat bnai shen, ka sorkar jylla kan pynmadan noh ia ka ïing sorkar ka BRIGHTSTARWELL Bungalow shaka jaka ieng kali.
Kane ka ïing sorkar ka don ha Barik mar syndah ka Phan Nonglait Park.
Katkum ka jingong u myntri rangbah u Conrad, ha kane ka jaka yn ngiam kumba 2 ne 3 spah tylli ki kali ban ieng bad kan iarap ban lait na ka jingsahkut kali ha thain Pine Mount, Barik, IGP ynda la dep ban shna ia ka.
Ym don mrad shuh ha Park, yn pynmadan ia ka Brightwell, yn khaweh ka lama 3 rong ha Barik
