SHILLONG: Ka mashin thep bad sei pisa ne ka ATM ka State Bank of India, ha ICAR Umiam ka la shah khynra ha ka miet 19 tarik Jymmang 2024. Hynrei ha kane ka jingkhynra, ki runar ki khlem ioh sei ia ka pisa na mashin, watla kila kyndang bad ot ia ki waiar sairen.
Ia kane ka jingjia la lap ki nongtrei katei ka Bank haba ki wan mynta ka step, kiba la pyntip noh mar mar sha ki Pulit ka Umiam Police Station, khnang ba kin ïoh ban pynlong ia ka jingtohkit bad ban lap ia ki runar kiba la donkti ha katei ka kam prong bad thmu ruh pisa na katei ka Bank.
La iathuh ba ki runar ki la rung na shadien jong katei ka Bank, da kaba pynpra ia ka Khalki bad ot ia u Waiar Sairen jong katei ka Bank hynrei kim lah ban leh eiei, namar ka dei ka jaka buh pisa kaba skhem .
Ki Pulit ki la poi mar mar sha katei ka jaka bad kumjuh ruh ki briew na ka tnat Forensic ban pyllong ia ka jingtohkit.
Shah kyndang ka ATM ha ICAR, sahkut ka pisa ha mashin
