SHILLONG: Ka Hynniewtrep Youths Council HYC, West Khasi Hills District ryngkat ka HYC Nongstoin Circle ha ka 19.5.2024 ka la hap ban leit kyndang ia ki nongdih drok ha them iew Nongstoin bad ha kiwei ki jaka.
Kane ka la jia hadien ba ki dkhot kila wan na ka jingialang ha ka por janmiet hadien ba la ioh ia ka jingujor na ki paidbah ia ka jingkynrei ki nongdih drok.
Hadien ba la kthong ia ki, ka seng ka la ioh bat kumba 8 ngut eiei bad ka la thang u drok ba kila ioh kurup.
Ka seng ka la lap ruh ia ka jingjur ki kam jakhlia ha thain Nongstoin, bad ka jingpyndonkam ia ki tiar pynmynsaw da ki nongdih drok. Ha kajuh ka por, ka seng ka kyntu ia ki trai dukan ban ym shah shuh ban shah briew ha ki dukan ha iew, bad ka la kyntu ba kin ai ka jingiatreilang bad ka seng ban rat dyngkhong ia ki jingsniew.
Hadien ba la wan jingiaseng, hap kyndang nongdih drok ka HYC ha Nongstoin
