SHILLONG: Mynta ka miet kawei ka kali Balero kaba dei jong ka sorkar kaba don ia u number ML01A-0175 la suba bala shah kawang petrol bom bad ka kali kala iengkhong khoit ha jaka pynieng ha jan ophis jong ka Fishery Department.
Ki thymmei khubor ki iathuh ba kane ka jingjia kala jia ha kapor kumba 9 baje ei ei, na ka liang jong ki paidbah kila pyntip sha ki kali pynlit ding hynrei tang na Fir Brigade sha ophis jong Fishery department ruh ki khlem poi ha ka por kaba biang.
Katba da poi ki kali pynlip ding ka kali kala dep iengkhong, ki thymmei khubor ki iathuh ba na ka liang jong ki pulit ka Laitumkhrah kila leit bran bran sha katei ka jaka ban tohkit halor kane ka jingjia bad la suba ka dei ka jingshah kawang petrol bom.