SHILLONG: Ka jingkylla ka mariang na ka jingwan ka lyer pyrem ka la wanrah iaka jingkem ding jong kiba bun ki khlaw ha rilum Khasi bad tang ha kane ka taiew ba la dep, kumba 40 tylli ki jingpluh ding ha kylleng ki jaka.
Kane ka la pynbunkam ia ka tnad pynlip ding, ka Meghalaya Fire and Emergency Services kaba la hap ban trei borbah ban tem ia ka ding katba lah ha kiba bun ki jingjia pluh khlaw.
U Inspector General ka Meghalaya fire and emergency services u bah Francis G. Kharshiing ula ong ba ka jingpluh ki khlaw ka jia na ka jingshit kyrang nalor ka jingbeh ka lyer, hynrei ka Fire and Emergency services ka la ialeh katba lah ban mareh wut wut haba don kano kano ka jingpluh ne kem ding. Dang shen, ka tnad ka la ioh sa kumba 120 ngut ki home guards bad kane ka la iarap ia ka tnad ban leh sted haba mih kano kano ka jingjia.
Ka jingmih ka jingpluh ki khlaw ka dei namar ba ki briew ki leh thurmur. Hynrei ha kaba iadei ha ka nongbah, ka don ka jingeh kaba khraw ia ka tnad pyllip ding namar ba ka jingsahkut kali ban mareh bran bran sha ka jaka ba don kano kano ka jingjia.
40 sien pluh khlaw tang ha kane ka taiew ha rilum Khasi
