SHILLONG: Ka sorkar jylla ka la pynbna ba ka jingshna maramot ia ka jingkieng dam kan long haduh u bnai Jylliew ban wan, bad hapoh kane ka por, tang ki kali kiba khia hapoh 4 metric ton kin iaid katba hadien u bnai jylliew yn shah ban iaid ia kiba hapoh ka jingkhia 12 Metric Ton.
Ia ka jingkieng Umiam, la maramot naduh u bnai Lber namar ka jingsynjor jongka. Ia kane ka jingkieng la pyndep 7 snem bad la shna ha u snem 1958 bad la pyndep ha u 1965.
Lyngba ka Dam Rehabilitation Improvement Project (DRIP) ka la maramot ia kane ka jingkieng, kaba kit ia ki kali da ki hajar tylli man ka sngi.
Haduh mynta, ka jingshna maramot ia ka jingkieng ka la iaid sha ka 60% bad la khmih lynti ban pyndep ha 30 tarik Jylliew 2024.