SHILLONG: Ha ka jinglehkai jong ka Shillong Premier League 2023 semifinals, ka Mawlai SC ka la pynliem ia ka Shillong Lajong FC da 5-0 kol ha ka jingiakhun ba long ha madan SSA Stadium hynne ka sngi.
Kine ki san kol na bynta ka Mawlai la thep da u samla Fullmoon Mukhim ha ka 12 minit, u Kevin Rymbai 47 minit, Brolington Warlarpih 49 minit, Donlad Diengdoh ha ka 72 minit bad u Romarius Laban ha ka 76 minit.
Ka Mawlai mynta ka la kamai 13 point ha ka kyrdan ba saw. Katba ka Shillong Lajong mynta ka dang sah sa ar tylli ki jinglehkai ban iakhun pyrshah ia ar tylli ki kynhun lehkai kiba don ha tduh.
Lashai ka sngi ka 24 tarik Iaiong, ka jinglehkai kan long hapdeng ka Ryntih SC pyrshah ia ka Sawmer SC ha ka por 3:15 janmiet.
Ka Ryntih lada ka jop ha ka jinglehkai kaban long lashai ka sngi, ka kiew kyrdan ia ka Lajong katba ka Sawmer ka dang iakhun ban kamai ban ioh ia ka shi point.
Pylliem ka Mawlai ia ka Shillong Lajong ha ka SPL
