SHILLONG: Ka jingmih khubor u heprit Samborlang Rynjah na Mawryngkneng kala khring ia u nongapkol ka ri Argentina, u Emi Martinez, uba ioh ia ka nam best golden glove ha ka World Cup 2022.
U heprit Samborlang uba angnud ban long kum u Emi Martinez ynda ula heh, lehse un kmen shi kat dei eh, ban iohi ba u Martinez un peit bad pyllong ia ki video ban share ha Instagram.
Lah ban kdew ba u t7 news ula pynmih ia ka jingtbit u heprit samborlang kumba katto katne taiew mynta.
Une u heprit samborlang uba dang 6 snem ka rta, u la paw nam bha ha ka sap jong u kum u nongapkol, namar ba nalor ba u shlur ban kem ia ka bol watla kynjat kiba la heh ruh, u don ruh ka sap ka jingtbit.
Une u khynnah u sah ha Mawryngkneng Main Road, bad u leit klas 1, ha katei ka shnong. Lyngba ka kor jingstad kane ka juk teknoloji, ka jingphoh sniew jong u kum u khynnah ban long kum u nongap kol ka ri Argentina, u Martinez, ka la urlong shi bynta, hadien ba ka video jong u kaba u la ialehkai ban kem bol ha phyllaw iing lajong kaba rit, ka la khring ia une u nongapkol ka ri Argentina kaba khraw tam ha ka jingtbit ha ka jingialehkai kynjatbol ha ka pyrthei.
Ka kmie jong une u khynnah ka pynshlur ia u khun hynrei kim tip lad kumno ban leh, namar ba kim dei kiba bit ba biang bad ki la kyrpad ia kiba tip lad ban iarap bad kdew lynti lem ia ki.
Poi Argentina ka video u heprit nongapkol na Mawryngkneng
