SHILLONG: Mynta ka janmiet ka 10 tarik Iaiong 2024, ka Iingsah jong ka MDC ka NPP na Umsning Constituency ka Kong Magdalene S Mawlong, kala shah kawang maw ha ki riew runar ki bym lah satia ban tip.
Kane ka Iingsah jong kane ka MDC ka dei kaba don ha Ladsharai, Ri-Bhoi District.
Katkum ka Khubor, la iathuh ba mar syn kem dum ka bneng, la suba jur ba ka kynhun ki riew runar kila leit lun maw ia ka Iingsah jong kane ka MDC, ka bym shym la don satia hala Iing ha kane ka por ba jia.
Ki Pulit ka Umiam Police Station haba ioh jingtip ia kane ka jingjia, kila hiar wut wut sha Ladsharai ban leit tohkit bad pynthikna ia kane ka jingjia.
Ki Pulit kila lap ia bun tylli ki maw ha phyllaw jong kane ka Iingsah ka MDC bad mynta ki dang pynlong ia ka jingtohkit ban pynshisha ia ka jingshah lun maw.