SHILLONG: Ka Mawlai SC ka la pylliem ia ka Langsning FC ha ka lympung Shillong Premier League 2024 da 1-0 ha ka jingiakhun mynta ka sngi ha madan SSA Stadium ha First Ground, Polo.
Ia kane kawei ka kol la thep ha ka 10 minit da u Dajiedlang Wanshnong.
Ia ka Mawlai la long coach u bah Khlainpyrkhat Syiemlieh katba ia ka Langsning la peit u bah Hering Shangpliang.
Da kaba kamai 4 point na 2 tylli ki jingialehkai, ka Mawlai ka la iakhaid shisien bad ka Ryntih bad ka don hadien ka Lajong bad ka Rangdajied Utd mynta kiba la khur mar 6 point.
Ka Langsning ka don sha trai hadien ba la shah rem 3-2 ha ka Lajong bad kam pat ioh kamai eiei bad ka don hajrong ka Sawmer namar ba kam pat ioh kamai eiei.
Liem ka Langsning ha ka Mawlai ha ka SPL
