SHILLONG: U MDC ka Mawkynrew u bah Martle N Mukhim u la ong ba ha kane ka MP ilekshon ka Lok Sabha, ki paidbah kidei ban pynleit jingmut kham jylliew ban jied ia u nongmihkhmat namar ba shisien ba la jied, ym lah ban kynduh man ka taiew kum ia ki MLA, ne MDC.
Haba kren ha ka jingialang jong ka Regional Democratic Alliance ( RDA ) ba long ha Lyngshing, Mawkynrew konstiwensi, ha ka 25 tarik Lber, 2024, u bah Martle u la ong ban jied ia u MP dei ban da pynshong nongrim ym ban shu leh shongshit.
U la ong ba ka jingsei ia u kyrtong RDA kam dei ka jingpyrkhat khunlung khynnah hynrei kadei kaba la pynshong nongrim na bynta ban wanrah ia ka jingiatreilang ha ki kam sain hima bad pyrkhat pyrdain.
U bah Martle u la ong ba Ka kam elekshon kam dei ban leh shongshit namar ba ula dep mad teng ia kaba kum kane ka jingjia ha ki por ba la leit, hynrei ynda la niew vote, ia jop tang ar ngut bad Ka jingiapyneh para seng riewlum, kala plie lad ia ka seng nabar ka Congress ban jop ha kane ka jylla.
Na bynta ban pynkhlain ia kane ka ilekshon, arngut ki nongialam kynthup u bah Martle N Mukhim, MDC na ka HSPDP bad u MLA barim, bad bah Remington Pyngrope , MLA barim ka Mawlynrew na ka UDP, kila iatreilang na bynta ban kyrshan ia u kyrtong MP ka Regional Democratic Alliance (RDA) u bah Robertjune Kharjahrin.
U bah Robertjune u iakhun na ka shap ka Bom ka United Democratic Party (UDP), ba la kyrshan lang ka HSPDP.
Kine ki nongialam kila iatreilang da kaba ia ieng rynsan lang ha ka jingialang ha Lynshing, ban ialap bad ban pan jingkyrshan na ki paidbah ia u kyrtong MP.
Wat leh shongshit haba jied ia u MP sha Parliament, ong bah Martle
