SHILLONG: Ka kyrtong MP ka NPP na Shillong Parliamentary konstitwensi, ka kong Ampareen Lyngdoh mynta ka 22 tarik Lber 2024, ka la thep kyrteng ialade kum ka kyrtong ha u Returning Officer uba dei ruh u Deputy Commissioner ka East Khasi Hills, Shillong ban iakhun ia ka elekshon sha ka Lok Sabha.
Ka la don ka jingsynran lang ki nongialam ba hakhmat duh ka NPP naduh u President ka NPP Meghalaya bah Prestone Tynsong, u bah Sniawbhalang, nalor kiwei pat.
Ka kong Ampareen ka la iaid ter ter naduh iing sah jong ka ha Laitumkhrah sha ka ophis ka NPP ha Lachumiere bad nangto, ka iaid sha DC ophis ban thep kyrteng ryngkat ka jingkynroi ka jingrisa jong ki nongkyrshan ka NPP.
Ha kane ka sngi shuwa ba kan leit thep kyrteng ki paidbah kiba bun ki la poi lang ha Police Point laitumkhrah ban synran ia ka kyrtong sha ophis jong ka NPP shuwa ban leit thep kyrteng ha DC Office.
Da ki hajar ki nongkyrshan ka kyrtong ki la synran ia ka naduh iingsah jong ka ryngkat ki bahaiing hasem, u CEM ka KHADC, u bah Pyniaid Sing Syiem bad kiwei ki nongkitkam ka party.
Ryngkat ka tem bom tem ksing, iaid kjat ka kong Ampareen ban thep kyrteng sha DC ophis
