SHILLONG: U MLA ka BJP u bah Sanbor Shullai mynta ka sngi u la pynshai ba ka jylla Meghalaya ka lait na ka jingpyntreikam ia ka ain Citizenship Amendment Act 2019.
U bah Sanbor u la ong ba udei uwei na ki MLA BJP na thain Lammihngi uba la rah ia kane ka mat kaba ktah ia ki paidbah ba dei ban pynllait noh ia ki jaka riewlum na ka jingpyntreikam ia ka CAA.
U bah Sanbor Shullai u la ai khublei ruh ia u Myntri Rangbahduh ka ri u Narendra Modi uba la pyllait ia ki jaka riewlum na ka jingpyntreikam ia kane ka ain.
Ha kajuh ka por, u bah Sanbor ula ong ba ka ain Citizenship Amendment Act 1955 mynshwa ha ka sorkar Congress la wanrah ka jingpynkylla hynrei ym shym la pyllait ia ka jingpyntreikam ha ki jaka riewlum hynrei mynta ha ka sorkar BJP ka la pyllait noh na ki jaka riewlum hapoh ka jingialam u Myntri Rangbahduh ka ri u Narendra Modi.
Iaroh u bah Sanbor ia u Modi ba pyllait ia ka CAA na Meghalaya
