SHILLONG: U Chief Executive Member ka Khasi Hills Autonomous District Council u bah Pyniiad sing Syiem, mynta ka sngi ula ong ba ka Council ka ieng skhem beit ban ym ai jingbit iano iano ban ksam uranium hapoh u pud u sam ka Council.
Haba kren sha ki lad pathai khubor, u bah Pyniaid u la ong ba ka Council baroh 30 ngut kum ki dkhot, kan ym ai No Objection Certificate (NOC) ban ksam ne ban tih ne ban surbe ia u marpoh khyndew uranium ia kano kano ka kynhun, la ka dei jong ka sorkar pdeng ne ka sorkar jylla ne kano kano ka kynhun.
U la ong ruh ba ka Council kan sa phah ka shithi sha sorkar jylla bad sorkar India ban pynkynmaw ba ym dei ban ktah ia u uranium ha ka jylla.
Ka KHADC kan ym ai NOC ban ksam uranium hapod u pud u sam ka Council: CEM KHADC
