SHILLONG: Ka Hynniewtrep National Youth Front (HNYF) ka la byrthen halor ka jingshah kem u dkhot ha ki pulit halor ka jingkynnoh ba la donkti ha ka jingbthei bom ha Them Iewmawlong ha ka sngi Saitjain.
Mynta ka 11 tarik Lber 2024, ki nongialam ka seng ryngkat u President bah Sadon Blah, kila iakynduh ia u Superintendent of Police u Rituraj Ravi, ka East Khasi Hills ban pan jingshai halor ka jingshah kem u dkhot bah Tarzan Lymba na Dawki ha ka miet sngi u Blei.
Haba kren sha ki lad pathai khubor, u bah Sadon u la ong ba ka jingkem ki pulit ia u dkhot, ym lah ban pdiang bad ka seng kan ap ia ka jingtohkit.
U la ong ba u SP ula iathuh ba la kem namar ba ka jingiadei bad ka jingbthei bom IED ha Them Iewmawlong, ha kaba la don ka jingsuba ba u donkti. Hynrei na ka liang, u bah Sadon u la ong ba ka seng kam lah ban pdiang ia kane ka jingkem namar ba u bah Tarzan u dei u briew uba jai jai bad uba tip briew tip blei bad un ym don bynta satia ha ki kam beain.
U la iathuh ba u bah Tarzan u don bynta bha ha ka jingiakren iasuk ka sorkar jylla, sorkar pdeng bad ka Hynniewtrep National Liberation Council (HNLC).
Byrthen ka HNYF ba shah kem u dkhot halor ka jingkynnoh pynbthei bom ha Them Iewmawlong
