SHILLONG: Ka tamasa mawbynna kala sdang ha ka 7 tarik Lber 2024 ha Khasi Heritage Village, Mawphlang.
Ha kane ka tamasa la sakhi ia ki jingpyni sarong ia ka jingriew spah jong ka jaitbynriew Khasi, ha ki jingleh jingkam bapher bapher na ki Hima, ki Raid bad kumjuh na ki shnong.
Naduh ka kit briew ha khoh na Nongpriang, ka rong biria siat khnam, ka jingialehkai maw kor katia, ki jingshad, ki jingrwai, jingpyni riam, ki jingbam tynrai bpher na ki shnong ki thain, ki jingdih yiad um, bad bun kiwei.
Ia kane ka tamasa la plie u symbud myntri rangbah u bah Prestone Tynsong ha ka jingdon lang u CEM ka KHADC bah Pyniaid Sing Syiem nalor ki Executive Member, ki Khlieh nongsynshar na ki Hima bad kiwei nalor ki paidbah byllien.
Da ka lehkai maw kor katia, kit briew ha khoh, ki jingrwai, jingshad bad kiwei sdang ka tamasa mawbynna
