SHILLONG: U Myntri Rangbah ka jylla u Conrad K Sangma mynta ka sngi ryngkat u MLA ka thain uba dei ruh u myntri bah Paul Lyngdoh, u myntri ka tnad ialehkai bah Shakliar Warjri, bad kiwei, ula plie ia u maw nongrim ban tei ia ka madan phlang plastik ha Madan Shnong, Lower Mawprem,.
Haba kren ha kane ka plie ia u maw nongrim, u Conrad u la ong ba ka sorkar ka la theh pisa kumba 700 klur tyngka ha ki snem ba la leit bad kumba 300 klur tyngka la theh pisa ban tei ia ki madan ialehkai bad ki jingdonkam ha kaba 122 tylli la dep ha kine ki lai snem ba la leit bad kumba 20 tylli ki madan rit ne Futsal yn sa shna ha kine ki sngi ban wan ha ka jylla.
U la ong ba ka jingtei ia ka Mawkhanu Sports Complex kaba 350 klur tyngka kan kyntiew ia ki kam ialehkai ha ka jylla ha ka kyrdan ka ri bad ka pyrthei.
U la ong ruh ba ka STAR Program Talent Scouting kan bteng ban sain dur ia ki samla khamtam ia ka 6th Meghalaya Games kaban long ha Jowai bad ban pdiang ia ka National Games shen.
Plie maw nongrim u Conrad ban shna ia ka madan Futsal ha Mawprem
