SHILLONG: Mynta ka sngi, u myntri rangbah ka jylla u Conrad K Sangma ula ong ba ki jingtynjuh ki don beit ia kano kano ka sorkar bad lada kim don ki jingtynjuh, ka mut ba ym don ki kam ban trei hynrei ka kamram ka long ban pynbeit ia ki jingeh.
U la ong ba ki jingjia kin iai don namar ba ka dei ka bynta jong ka imlang sahlang bad hynrei kaba donkam ka long ban shim ia ki lad ki lynti ban pynbeit ia ki jingeh. Ula ong ba la kem lai ngut ki briew kiba thmu ban pynkhie im biang ia ka Garo National Liberation Army (GNLA) bad yn sa kem lut ia ki shen.
Ha kajuh ka por, u la ong haba bishar ia ka jinglong jingman, ka shongsuk shongsain ka la nang bha ha kine ki sngi ban ianujor ia ki snem ba la leit.
Lah ban kdew ba ki pulit kila kem 3 ngut ki briew kiba donkti ban pynkhie im ia ka seng lehnoh GNLA bad sa lai ngut kiba dang phetrieh ki dang thwet.
Shen yn kem lut ia kiba thmu pynkhie im ia ka GNLA: Conrad
