SHILLONG: U MLA barim ka Mawlai u bah Embhahlang Syiemlieh ula pynrkhie ia ki paidbah ba wan ha ka jingialang ka NPP Mylliem Block mynta ka 4 tarik Lber 2024, haba ula iathuh ia ka jingbam ja ha kawei ka dukan ha Mylliem ba ka doh syiar khasi kynthei, kaba bang tam nalor kiwei ki jait.
Haba kren ha ka jingialang ka NPP Block Mylliem ban kyrshan ia ka kyrtong MP ka NPP, ka kong Ampareen Lyngdoh, u bah Embhah ula iaroh ba dei tang ha ki dukan ha Mylliem ba lah ban ioh bun jait ki jait jadoh, bun jait ki tung rymbai, bad ka doh syiar Khasi paka.
Ula pynwandur ia ka elekshon MP, ba napdeng ki kyrtong kiban iakhun, ka kyrtong ka MP elekshon, ka kyrtong kynthei ka NPP ka Kong Ampareen Lyngdoh ka dei kaba biang tam.
Ula ong ba ka kong Ampareen kan sa pynsarong ia ka jinglong kyrpang ka jaitbynriew ha Parliament da ka riam Khasi nylla, kan pynpaw nam ia ka jaitbynriew Khasi hakhmat ka pyrthei.
Nalor ki jait tung rymbai, jadoh, bang tam ka doh syiar Khasi ha dukan Mylliem
