SHILLONG: Ka St. Anthonys College ha ka 26 tarik Rymphang 2024, ka la pynlong ia ka awareness program halor ka jingdih pynbuaid droks bad kynja bad ia kane ka program la pynlong ha auditorium jong kane ka college.
Ia kane ka program la wan ban ai jinghikai da u Dr. Lajja Ram Bishnoi uba dei u Director General of Police ryngkat ka jingdon lang u bah Vivek Syiem uba dei u SP (city) ka East Khasi Hills, u Fr. Joby Joseph uba dei u vice principal ka St. Anthony’s College, ki nonghikai, bad ki khynnah pule.
Haba ai jinghikai sha ki samla pule, u DGP u la ong ba u haba ia nujor ia kiwei pat ki ri, ka thain shatei lam mihngi ka kham jur ka jingkhaii ia ki droks na ki khappud da kaba wan na ka jylla Myanmar bad la shalan tuh pat na ki khappud jong ka jylla Mizoram bad nangne u droks u ioh ban rung sha kiwei pat ki jylla.
U la ong ruh ba na uwei u snem sha uwei u snem, ki nongdih droks ki la nang kiew, bad ban khanglad ia ka jingkiew jong ki nongdih droks, la donkam ia ka jingtreilang na iing na sem ban khanglad ia u droks ban kiew ha iing ha sem.
Hadien ka jingai jinghikai na u DGP, na ka liang ki samla khynthei na ka kynhun jong ka SF-10 ka la pyni ia ki khynnah pule ia ka jingkilan met ka jong ki bad kane ka rukom kilan met ki pulit SF-10 ka long kaba itynnad bad kaba khring ia kiwei pat.