SHILLONG: Ka Hynniewtrep Youth Council (HYC), ha ka 26 tarik Rymphang 2024, ka la kala dawa u Superintendent of Police (SP) ka East Khasi Hills ban suspended pynshitom ia u 2nd Officer Incharge ka Pynursla Police Station u George Dkhar, halor ka jingkynnoh ba u kren tohmet bad shoh ia arngut ki dkhot ka seng ha Pynursla Police Station ha ka sngi Saitjain.
Haba kren sha ki lad pathai khubor, President ka HYC bah Roykupar Synrem ula ong ba ha ka 24 tarik Rymphang, ki dkhot ka HYC Ri War Mihngi Circle (Pynursla Sub-Division), kila kurup ia artylli ki trok kiba kit masi ban khaii tuh sha Bangladesh.
Hadien ka jingkem ia kine ki trok, kila ialam ia ki sha Pynursla Police Station da ka jingthmu ban ujor ejahar bad ban kyntu ia ki Pulit ba kin leh ia kaba donkam kat kum ka ain. Hynrei la kynnoh ba haba poi ha Thanad, u 2nd Officer Incharge ha ka jaka ban sngap ia ka jingujor, ula kren tohmet bad kynhied pynban ia ki dkhot ka HYC bad hadien ula patom bad ktah kti ia ki haduh ba kila mynsaw.
Ka HYC kala kynnoh ruh ba une u Heh Pulit ula byrngem ia ki dkhot ka HYC ban leh da kaba tyngeh namr ka jingkem ia ki kali kit masi.
Kynnoh ka HYC ba shah tied pynban ha u pulit ba thmu pyntip ba ioh kurup muid, ha Pynursla PS
