SHILLONG: Ka sorkar jylla ka la mynjur ia ka Power Policy kaba thymmai 2024, khnang ban pynjur ia ka jingpynmih bording ha kane ka jylla kaba kyrduh ding bha.
U Chairman ka MeECL u Sanjay Goyal ula pyntip mynta ka sngi hadien ba la wai ka kynhun myntri, ba ka sorkar kala bug thong ban pynmih bording 2000 Mega Watt na ka Pump Storage nalor 300 Mega Watt na ka Hydro Projek.
Ula pyntip ruh ba la buh thong ban pynmih bording 250 Mega Watt na u dewiong, 100 Mega watta na ka sngi bad 80 Mega Watt eiei na ka lyer. Kane ka thong ka dei na bynta ki 8 haduh 10 snem ban wan.
Lyngba kane ka polisi thymmai yn kham pynsuk ban khring ia ka jingbei pisa nabar ban tei ia ki projek bording.
Lah ban kdew ba ka jylla Meghalaya ka pynmih bording kumba 300 Mega Watt eiei haduh mynta bad bun ka bording la shu thied nabar jylla ban pyndap ia ka jingdonkam bording kumba 600 Mega watta.
Hadien 10 snem yn pahuh ding ka jylla na ka polisi thymmai
