SHILLONG: Ban iada bad ban pynshai kumno ban iada bad ban lait na ka jingpang mynraiñ n ka HIV, AIDS, ka Meghalaya State AIDS Control Society kan sa pynlong ia ka tamasa ka put ka tem kaba ai kyrteng ka Red Fes- The northeast multimedia campaign ha Lariti Centre for performing Arts ha mawdiangdiang ha ka 28 tarik rynmphang 2024.
Ki nongpyniaid ka Meghalaya State AIDS Control Society ki la pyntip ba ha kane ka red fest, kin sa wan ban shimbynta palat 2500 ngut kynthup ia ki heh sorkar na ki thain shatei lam mihngi bad ki nongialam ka National AIDS control society.
Ki nongrwai bad ki kynhun tem na baroh ki district jong ka thain shatei lam mihngi kiba kynthup ia ka Summersalt bad ka Toxic Pony na Meghalaya, u Moko Koza na Nagaland, Girish and the chronicles na Sikkim, Voodoo child na Assam bad kiwei de ki nongtem, kin iashim bynta ha kane ka tamasa.