SHILLONG: Ka sorkar jylla lyngba ka tnat Sports & Youth Affairs ka la lah ha kaban pynlut haduh 4, 16, 64,000/- hajar tyngka tang ha kaban buria ia ka jingphah pyntbit ia ki samla ialehkai bad kane ka jingpynlut ka dei naka bynta ka mang tyngka jong u snem 2022-2023.
Ia kane la pyntip da u Myntri jong ka tnat Sports & Youth Affairs hapoh ka dorbar mang tyngka hadien ba u la jubab ia ka jingkylli kaba la wanrah da u Rupert Momin.
Shuh shuh u bah Shakliar u la iathuh hapoh ka iing ba ka tnat sports ka la bhah ruh ia pisa kaba long 1, 86, 50,000/- ha Khasi Hills, 67,72,000/- ha Jaintia Hills bad 1, 62, 42,000/- ha Garo Hills.
Haba iashim bynta lang ha kane ka jingiakren, u MLA ka VPP ka Mawlaiu bah Brightstarwell Marbaniang, u kwah ban ioh ia ka jingshai kaba bniah haba iadei bad ka rukom bhah pisa wat ha ha ki district, ia kaba hangne u bah Shakliar u la pyntip ba ka sorkar ka la bhah ia ka pisa.