SHILLONG:Ki paidbah ka thain Mukroh ruh ki shah kajuh ka jingeh kumba iakynduh kiwei ki paidbah ha khappud, ha kaba ki shah pyndik ha ki briew na Assam laiphew jait khamtam ki nongrep.
U MLA ka Mookaiaw u bah Nujorki Sungoh ula pynsngew ia kane mynta ka sngi hapoh ka iing dorbar thawain ka jylla.
U la ong ba dang shen ka sorkar Assam kala buh biang kawei ka khyrdop rit ban shim pisa na ki nongrep ba kit mar rep ha Mukroh bad kino kino ki mar rep kiba kit na lyngkha, ki shah khrong ha ka Assam.
Ha kajuh ka por, u la ong ba hadien shi snem ba la jia shah siat iap ki briew ha Mukroh, ki paidbah ka Mukroh kila wan ban kynduh ia u ba ka sorkar kan leh eiei ban iarap ia kito ki longing kiba duh noh ia u khlieh ka iing, kiba shem jingjar ban pyndap pynbiang.
U MLA ka Mookaiaw u la dawa ruh na ka sorkar ba kan wanrah kam pynroi kum ka bording, surok sha katei ka thain khappud kaba dang sahdien haduh katta katta.
U la ong ba ka surok na Khatkasla-Moojem sha Mookyndeng ka donkam ban shna noh ban pyllait ia ki paidbah na ka jingsuhsat.
Buh khyrdop khrong pisa biang ka Assam ha Mukroh, ong u bah Nujorki
