SHILLONG: Ka seng Voice of the People (VPP) kaba don saw ngut ki MLA kala pynkhreh ban rah shibun ki mat ha kane ka dorbar mang tyngka hynrei ka sngew artatien ban ioh ban rah ia ki namar ba ka jingbuh sngi khyndiat ia ka dorbar.
Haba kren mynta ka sngi, u President ka VPP u bah Ardent M Basaiawmoit u la ong ba ka VPP ka la pynkhreh ban rah ia ki mat ba kynthup ia ka jingeh ki samla pule, ka jinglong jingman ka pla tyngka ka jylla, ki jingeh ki nongtrei kontrak, ka jingshah ktah ka kamai kajih bad khamtam ka Lokayukta ha kaba ka sorkar ka la weng noh ia 3 ngut ki ophisar khlem pat kut ka por. U la ong ba ka jingkren jong u ophisar ban kren ba la shah weng na ka Lokayukta ka pyni ba ka jingiakhih ka VPP ka long kaba don nongrim.
U la ong ba ka jingiakren bad ka sorkar kam don kano kano ka jingeh namar ba ka VPP kam dei ka seng lehnoh bad lada ka sorkar ka lah ban pynsngewthuh ba ka jingleh jongka ka long kaba dei, dei ban pdiang hynrei lada ka sngewthuh ba ka jingkdew jong lynti ka liangpyrshah ka long kaba dei, ka hap ban pdiang.
Halor ka jingkynnoh jong kiwei ki seng ba leh politik, u bah ardent u la ong b aka VPP ka dei kaba iapher na kiwei ki party, namar la seng ym tang ban ialeh elekshon bad u paidbah mynta u la kham shai bad un bishar.
U la ong ba wat ia ki jingkylli kiba la buh ruh kila buh shadien bad ka long kaba artatien ban ioh ne em ban iakren.
Bynniaw ka VPP ioh ym ioh lad ban sei ia ki mat ba khyndiat sngi ka dorbar
