SHILLONG: Ka tnad Directorate ialehkai ka jylla Meghalaya lem bad ka skulbah North Eastern Hills University (NEHU) Shillong bad ka Sport Authority of India (SAI) mynta ka sngi kala pyllong iaka jingiamreh kaba 6.5 KM kum shi bynta ban kyntiew ia ka Khelo India University Games 2024.
Ia kane ka jingmareh la khaweh lama u Colonel Omkar Singh (retd), u Registrar ka North Eastern Hills University lem bad u bah John F Kharshiiing u Working President ka Meghalaya State Olympic Association, Prof. Lakhon Kma bad kiwei.
Kumba 280 ngut ki nongmareh kila iashim bynta ha kane ka jingiakop mareh lymbrum kynthup ki kynthei bad shynrang la kajong nalor kiba palat 50 snem.
Na ki shynrang la poi nyngkong u Dabit Dkhar, bud u Kangujam Bikram Meitei bad u Rishanmehi Ryngkhlem ha kyrdan balai. Ha ki kynthei, ka Marqueenless Ramsiej ka wan ba nyngkong, bud sa ka Sarojani bad kaba lai ka Bandasharai Marwein.
Ha ka jingiakop mareh kyllum kiba palat 50 snem la wan nyngkong u Badon Singh Tham, katba ka Ibameri Shullai ka ioh khusnam pyntngen.
Mareh 6.5 KM na bynta ka Khelo India University Games 2024
