SHILLONG: U symbud myntri rangbah ka jylla u bah Prestone Tynsong uba peit ia ka tnad kam pohing ula ong ba ym donkam shuh ban dang ia tih ia kaei kaba la jia ha thain Muktapur namar baroh kila iasuk iasngewthuh jingmut biang, hynrei kaba donkam ka long ban peit nangne shakhmat ban ym don shuh kano kano ka jingjia.
Mynta ka 13 tarik Rymphang 2024, u bah Prestone ula lum ia ka jingialang bad u DGP ka jylla, u IG ki BSF halor ka jingkynnoh ba ki BSF kila leh tohmet ia u doktor ka tnad ri mrad u Dr. Seibok Buam ha thain Muktapur ha kane ka sngi u Blei.
U bah Prestone ula iathuh ba la thaw ia ka Coordination Committee ban khlieh u SDO Civil ryngkat ka jingdon lang ki pulit, BSF bad ki nongialam shnong ha khappud ban pynneh ia ka shongsuk shongsain bad ban tei ia ka jingiadei kaba jan hapdeng ki paidbah bad ki BSF, ban lait na kano kano ka jingsngewthuh bakla.
La iasuk ym donkam ban iakren halor ka jingjia ha Muktapur, ong bah Prestone
