SHILLONG: U president ka Voice of the People Party VPP u bah Ardent M Basaiawmoit ula ong ba ka jingmih ki jingkynthoh ia ka VPP ha kine ki sngi, ka pyni ba ki briew kim lah ban shu sngap ia ki kam ba ka party kala pyni.
Ia kane ula kren ha ka jingpdiang ia ki nongialam jong ki seng sain pyrthei bapher bapher na Nongstoin konstitwensi sha ka VPP kaba la long mynta ka 13 tarik Rymphang 2024 ha ophis ka party ha Nongkrem.
Kumba 50 ngut eiei ki nongialam ba la lamkhmat u Bah Goldenstar Nonglong uba dei u kyrtong ka seng Congress ha ka elekshon MLA 2023, kila wan ban iasoh sha ka VPP.
La don lang ha kane ka sngi, ki MLA ka VPP, kynthup Bah Adelbert Nongrum, Bah Brightstarwell Marbaniang bad Bah Heavingstone Kharpran, nalor ki nongïalam ba hakhmat jong ka party.
Ka jingiakhih ka VPP kala pyni ba kiwei kim lah ban shu sngap, ong bah Ardent
