SHILLONG:Ka seng Federation of Khasi Jaiñtia and Garo People Nartiang Unit mynta ka 12 tarik Rymphang 2024, kala ujor ha ka myntri ka tnad koit ka khiah ka jylla ka Kong Ampareen Lyngdoh halor ka jingbym thikna ki doktor ha ka PHC Nartiang.
Kane ka PHC kaba naduh ka por ka sorkar Assam hynrei ka jingwan trei ki doktor ka long tang jingjang, khlem don kiba thung thikna bad kane kala buh jingeh ia ki paidbah.
U pressident ka seng u Bah Bin Raliang ryngkat ka jingdon lang ki nongialam ka seng kmie, kila buh jingujor ha ka kong Ampareen ban pynbiang ia ki doktor kiba thikna bad ban kyntiew kyrdan noh ia katei ka PHC.
Katei ka PHC ka la ai ïa jingshakri ïa ki nongshongshnong jong ki 36 tylli eiei ki shnong. Ka myntri ka la kular ban shimkhia halor kane ka mat ban phah sha ka DHS ban kan jurip ia katei ka PHC.
Ka Nartiang PHC kaba shu wan jingjang ki doktor, ong ka FKJGP
