SHILLONG: Ka Shillong Lajong lashai ka sngi kan iakhun pyrshah ia ka Gokulam Kerala ha ka I-League kaban kong shabar na la iing kaban sdang ha ka por 7 baje janmiet ha EMS Corporation Stadium, Kozhikode.
Haduh mynta ka Shillong Lajong ka la kamai 19 point bad ka don ha ka kyrdan ba 6th position ha ka thup kamai point. Na ki jinglehkai baroh ka Lajong ka la jop 5 sien, 4 sien ka la iakhaid bad 2 sien ka la shah rem.
U Coach ka Lajong u bah Bobby L. Nongbet haba kren mynta ka sngi sha ki lad pathai khubor u la ong ba ka jinglehkai ka ban long lashai ka sngi pyrshah ia ka Gokulam Kerala kan dei ka jinglehkai kaba eh bad u kyrmen ba ka kynhun kan iakhun tyngeh ban rah ia ka jingjop.
Ka Gokulam Kerala haduh mynta ka don ha ka kyrdan ba saw na ka jingkamai point bad ka la jop 5 sien, 5 sien ka iakhaid bad ar sien ka la shah rem.
Ia kane ka jinglehkai yn pyni Live ha Eurosport, Indian Football channel ha YouTube.
Mynta yn ia aireng ka Shillong Lajong pyrshah ia ka Gokulam
