SHILLONG:Mynta ka 1 tarik Rymphang 2024, u myntri rangbah ka jylla u Conrad K Sangma ula khaweh lama kum ka jingpyllait paidbah ia ki kali kit ñiut ha ka jingialang ha Umroi.
Kine ki kali kit niut ki long na bynta ki Block jong ka East Jaintia Hills, Eastern West Khasi Hills, East Khasi Hills bad West Jaintia Hills.
La synran lang ha kane ka sngi da ka jingdon u symbud myntri rangbah u bah Sniawbhalang Dhar, ki myntri sorkar ka kong Ampareen Lyngdoh, u Marcuise N Marak, u MLA ka Umroi bah Damanbait Lamare bad ki ophisar bad ki paidbah.
Ka jingpyllait ia kine ki kali kit niut hapoh ka skhim Swach Bharat Mission (Grameen) ka long ban pynlait ia baroh ki shnong na ka leit painkhana pathar. Kumba long mynta ka jylla ka la poi sha ka 84.33 percent ka jingpyntreikam ia ka jingdon ki shnong bym leit shabar shuh sha madan madiah bad sa tang 10 percent ba kan jop lut 100 percent.
Katba u myntri ka PHE u Marcuise M Marak ula ong ba mynta u snem 2024-25 la buh thong ban shna 1,10,240 ki painkhana ha ing briew.
Ha kane ka sngi, la pyllait 174 tylli ki kali kit ñiut ne ki e-Vehicle bad la aiti sha ki block ha Khasi-Jaintia Hills.
Khaweh lama u Conrad ba pyllait ia ki kali kit niut ha Umroi
