SHILLONG: Ka myntri sorkar jylla kaba dei ruh ka kyrtong MP ka NPP na Shillong Parliamentary Constituency ka la kam ba ka jingrwai ka Voice of the People Party kaba pynmih ia ka kyntien Panah Meinah ka la pynjah burom bad thad ia ka jinglong ka jaitbynriew Khasi kaba ktah jur khamtam ia ki kynthei.
Haba kren mynta ka 31 tarik Kyllalyngkot 2024 ha ka jingialang iasyllok ka NPP bad ki nongialam ka NPP Umsning Block ha Lad Sharai, ka kong Ampareen ka la ong ba ka kyntien Panah, Meinah ka la pynlehrain ia ka jaitbynriew.
Ka la ong ba kam donkam ia ki Panah hynrei ai ba ki bahdeng baheh, ki kongdeng kongnah kin vote ia ka.
Ka la ong ruh ba don kiba sarong ba iashad ki shipai ha Himachal Pradesh ia ka jingrwai Prah hynrei kim tip ba ka dei ka kyntien kaba ktah bha ia ka jaitbynriew.
Ka kyntien Panah, Meinah ka pyntad dor ia ka jaitbynriew, ong ka kong Ampareen
