SHILLONG: Ka sngi bad ka step kaba sngewtynnad lang ia baroh bad khamtam li lei ia u paidbah ba ieit bad ba sngewtynnad bhai a ka phutbol jong kane ka jylla, ha kaba ka kynhun ki rang samla jong ka jylla ki la lah ba kin pynliem noh ia ka Punjab da 2-0 bad ban rah syndon ia ka nam kum ki lahduh jong ka lympung ialehkai Khelo India Youth games kaba long ha Tamil Nadu.
Ia kine ki ar tylli ki kol kiba kordor tam ia ka Meghalaya la ioh ban thep ia ki da u Badondor Marbaniang kawei ha ka kylla step bad kawei pat ha ka kylla miet.
Haba iadei bad kane ka khubor mynta ngin phai sha ka jingiakren bad u Coach jong ka kynhun ialehkai ka jylla u bah Jeffrey Warlarpih to ngin sngap aiu u don ban ong hadien ba u la lah ban ialam bad btin lynti ia ka kynhun ban rah syndon ia ka nam kum ka lahduh.
Halor kane ka khubor ba bha, ka Meghalaya Football Association ka la ai khublei ia ka kynhun lehkai jong ka Meghalaya Football Team kaba la lah ban wanrah ia takma ksiar (Gold medal) ha ka jinglehkai Khelo India Youth Games 2024.
U President ka MFA u bah Hamletson Dohling ha ka kyrwoh ula ong ba kane ka jingjop jong kane ka kynhun kam dei tang ba ka pyni ia ka sap jong ki hynrei ka wanrah ruh ia ka jingsngew sarong ia ka jylla Meghalaya bad ka ai mynsiem ruh ia kiwei ki samla lehkai na kylleng ka jaka ha kane ka jylla.
Ai khublei ka MFA ia ka kynhun ba rah takma ksiar na Khelo India
