SHILLONG: Ka kyrtong MP ka NPP ka Kong Ampareen Lyngdoh kala ong ba ki paidbah ka Khasi-Jaintia kim dei ban jied MP ia ka da kaba shim kum ka kynthei, hynrei jied ia ka na bynta ban iasaid ban pynsngew ia ki mat ka jaitbynriew.
Ka kong Ampareen kala sdang ban ialap ia ka elekshon ha ka jingialang kaba long mynta ka 25 tarik Kyllalyngkot 2024 ha Mairang ha kaba ka party kala pdiang ia u bah Batskhem Ryntathiang u MDC sha ka NPP.
Ka la ong ba ym dei ban shim ba ka dei ka kynthei ne shynrang hynrei shim ba ka dei ka MLA bad ka nongialam jong u paidbah.
Ka la ong ruh ba kan bha shibun ia ki paidbah ban jied ia ka kum ka MP namar ba ka la don lypa ha ka sem kaba don hajan bad ka liangsynshar ha Delhi, bad kan kham suk ruh ban pynurlong ia ki mat jingdawa ka jaitbynriew.
Ngam dei ka kynthei ne shynrang, nga dei ka MLA, ka nongialam jong phi: Ampareen
