SHILLONG: Ka khubor ne ka parom ba sngewtynnad naka Meghalaya Games kaba 5 kaba dang shu dep ban long ha Tura, West Garo Hills kalong ba la don ruh ki kato katne napdeng ki samla ba la poi ban iashim bynta, kidei kiba don ha ki shlem ai jinghikai kiba don wat shabar na ka jylla.
Ha kane ka kynti, la ioh ia ka lad ban iakren markhmat bad kawei na ki thei ialehkai jong ka West Jaintia Hills District ka Damandashisha Passi kaba la mih madan bad aireng kum ha ka Recurve 70M. jong ka iakob siat khnam.
Ha kane ka jingiakren ka Damandashisha, ka pyntip ba ka poi ban wan ban iashim bynta sha kane ka lympung da kaba ka la ioh ia ka kabu ksiar ba kan don ha kawei ka shlem ai jinghikai ban pyntbit kyrpang ia ki samla ba don sap katta ha ka National Center of Excellence, Sonapur, Assam.,
Ka Damandashisha, kam lah ban khlem da ai khublei ia ka State Archery Coach jong ka tnat Sports ka jylla ka kong Bansara Dhar, kaba da ka jingtrei shitom ka jong ka katba nang mih ki snem, ka jylla Meghalaya mynta ka la sdang ba kan don kham bun bha ki rang bad ki thei siat khnam.
Kaba ngewtynjnad ban tip ka long ba ka Damdashisha dang myn ha ka 10 tari kmynta u bnai ka la poi tiap ban iashim bynta sha ka iakob jingpyrshang ia ki nongialehkai ka ri kum shi bynta ka jingpynkhreh ban ioh jied ia ki nong ialehkai ban mihkhmat ia ka ri sha ka Asian World Cup Championship kaban long mynta ka snem.