SHILLONG:Ka jingiakren ki nongialam ka Voice of the People Party VPP bad ka myntri tnad kam ain ka jylla ka Kong Ampareen Lyngdoh, kam shym la lah ban shim rai bad kin ap ban iakren biang ryngkat u myntri rangbah ka jylla u Conrad K Sangma.
Ki nongialam ka VPP kila shah khot ban iakren bad ka myntri hadien ba kala pyllong ia ka jingiakhih da kaba tur shaduh phyllaw ka Additional secretariat mynta ka 22 tarik Kyllalyngkot 2024.
U president ka voice of the people party u Bah Ardent Miller Basaiawmoit u la kren siat pharshi ia ki pulit kiba la khang lad ia u paidbah ban wan sha ka jingiakhih.
Haba kren ha phyllaw ka Additional secretariat hadien ba la wan iakynduh ia ka kong Ampareen, u bah Ardent ula ong ba ka jingmih ka party sha surok ban iakhih hakor ka lokayukta, kadei namar ka party ka kwah ban pynshiton ia ki briew kiba bamsap bad kumjuh ruh ia ki briew ba ia don bynta lang ha ka kam bamsap.
Khlem lah rai ka jingiakren ka VPP bad ka myntri, yn ap ia u MR
