SHILLONG: Ka KSU Nongthymmai Circle ha ka 19.01.2024 ka la ioh ban pynkup burom ia ki samla pule ba pass bha ha ki kyrdan pule bapher bapher da U So So Tham Academic Award 2022-23 kaba la pynlong ha Herman Hall jong ka parish Nongthymmai .
U samla Donald V. Thabah General secretary ka KSU u la long u kongsan ha kaba u la ai ruh ia ki Kyntien Sneng kyntien kraw ia ki Samla pule ba kin dang iai trei shitom shuh shuh khnang ba kin dang lah ban kiew ha ka jingim jongki bad ban long ruh ka jingmyntoi ia ka Shnong ka Thaw bad ka Jaidbynriew. Ha kane ka sngi la synran lang da u Samla Iashan Mukhim Assistant Finance secretary KSU CEC , U samla Melajied Khongbuh Assistant Information & Publicity Secretary KSU CEC bad u Syiem ka Hima Mylliem Paiem Ainam Manik Syiem u la long kum u Symbud kongsan ha ka jingsakhi lang jong ki Rangbah /Secretary shnong bad ki nongkitkam jong ki Seng kynthei bad seng samla jong ki shnong kiba hap hapoh ka jylli treikam jong ka KSU Nongthymmai circle .
Ïa ka jingialang pynkup burom la pyniaid da u samla Richard Mawkhiew Vice President ka KSU Nongthymmai circle ha kaba la ioh iaka jingkren na u President barim ka KSU Nongthymmai circle samla Rangbah Fred Kharmawphlang, na U Secretary ka Synjuk ki Nongshynshar shnong Nongthymmai pyllun Bah Eddie War,longkmie ba la lamkhmat iaka KWAADA i kong Nevi Rapthap .
La Pyn iphuh iphieng ia kane ka sngi da ki jingrwai bad ki jingshad Tynrai.
Ha kane ka juh ka sngi ka KSU Nongthymmai circle ka la pynkup burom iaki rang ki thei ialehkai kiba la wanrah nam ia ka Jaidbynriew .